Kanye West do të kandidojë për president të SHBA-ve në 2024-n

Kanye West ka habitur jo pak me deklaratën e tij të fundit ku është shprehur se do të kandidojë për president të Shteteve të Bashkuara të Amerikës në vitin 2024.Në një intervistë për DJ Pharris, në Power 92 Chicago, reperi u shpreh se: “Po, 100 për qind mund të ndodhë, në 2024-n”. Më pas reperi tha se rëndësinë e tij më të madhe pasi të bëhej president, do ta merrte industria mjekësore.

“Një nga gjërat kryesore kur unë të bëhem president do të jetë industria mjekësore. Unë do të sigurohem që industria mjekësore të lulëzojë. Ka një gjë që kam mësuar duke qenë pas Jay-Z, dhe pasi u martova me gruan time, nuk mund ta djallosësh punën me paratë. Trump-i nuk po e djallos punën me paratë. Vende pune ka dhe taksat po paguhen”.