Kanye West habit të gjithë, ja çfarë ka ndodhur me adresat e tij në rrjete sociale

Duket se eksperienca e tij me “Instagram-in” nuk eci edhe aq mirë, pasi shumë komentues iu kthyen negativisht pas mesazheve politike në profilin e tij javën e kaluar. Dhe pasditen e së shtunës, Kanye West vendosi të tërhiqet nga rrjetet sociale duke fshirë të gjitha llogaritë e tij.
Reperi 41-vjeçar u shfaq gjatë perfomancës së tij në “SLN” me një kapele, mbishkrimi i së cilës ishte: “Bëje Amerikën të mrekullueshme sërish”. Pas kësaj, ai u fut më thellë në çështjet politike, duke thënë se amendamenti i 13-të duhet të hiqet. Përballë zemërimit të njerëzve, Kanye sqaroi se e kishte fjalën të ndryshohej, e jo të hiqet amendamenti i 13-të!