Katy Perry shokon konkurentin në American Idol, i rrëmben puthjen e parë

Katy Perry theu akullin me një veprim bizar të saj duke puthur konkurrentin në American Idol, një puthje e parë që kaloi në një moment të papërshtatshëm që tejkaloi vijën e kuqe.
Këngëtarja 33 vjeçarja është në jurinë e American Idol dhe edicioni i ri nisi me hapje mjaft interesante.

Në audicion ishte 19 vjeçari, Benjamin Glaze, një arkëtar i një dyqani të elektronikës i cili ka pranuar se kurrë nuk ka puthur ndonjë vajzë.

“Kurrë nuk kam pasur një lidhje. Nuk mund ta puthë një femër pa qenë në lidhje”, tha djaloshi duke nxitur reagimin e Katy Perryt e cila i tha: “Eja këtu”.

Një moment nervoz për djaloshin i cili ja ofroi faqen Katy Perryt, por këngëtarja shpejt e ktheu fytyrën e saj duke e puthur atë në buzë. Ky ishte një moment nga i cili konkurenti u shpërqëndrua, e për pasojë kërkoi ujë para se të performonte. Në fund ai nuk ia doli të kalojë këtë fazë të American Idol, por ama fitoi puthjen e parë me Katy Perry.