“Kemi ardhur nga asgjë dhe duam gjithçka” flet reperi shqiptar që po njihet gjithnjë e më shumë në tregun amerikan
Ai është një nga reperët më të famshëm shqiptarë në mbarë botën dhe gjithmonë e ka treguar me krenari prejardhjen shqiptare. Gashi po triumfon në tregun ndërkombëtar me hitet e tij dhe së fundmi po korr shumë sukses me bashkëpunimin me French Montana dhe Dj Snake.
I ftuar në studion e MTV me gazetarin e famshëm Sway, reperi shqiptar ka folur për shqiptarët dhe prejardhjen e tij.
Pasi moderatori i emisionit e ka pyetur se ndihet krenar se është shqiptar dhe për artistët e famshëm shqiptarë si Rita Ora, Dua Lipa, Action Bronson, Bebe Rexha dhe suksesin e tyre, Gashi tha: “Jam shumë i lumtur për njerëzit e mi. Po, po jemi bërë si Avengers. Jam shumë krenar që të gjithë jemi bërë kaq të mirë. E di, ne kemi ardhur nga asgjë dhe duam të marrim gjithçka. Secili kemi historitë tona familjare e kemi sakrifikuar shumë”.
Share Post
