Khloe Kardashian dhe Tristan Thompson marrin masat që dita e lindjes së vajzës së tyre të mbetet sekret, nuk e duan kaosin e kamerave

Ylli i “Keeping up with the Kardashians” pritet të lindë dita ditës por po bën çdo gjë që kjo të mbetet e fshehtë.

Khloe Kardashian dhe i dashuri i saj Tristan Thompson nuk kanë dëshirë të zbulojnë ditën kur vajza e tyre do të vijë në jetë por kanë zgjedhur strategjinë e Kylie Jenner duke i mbajtur ditët e para të fshehta.

Burime pranë tyre kanë konfirmuar se dyshja nuk dëshiron të ketë kamera rreth ditëve më delikate të jetës së tyre pasi nuk mund ta përballojnë kaosin e kameramanëve dhe pyetjeve të publikut.

Kur ata të jenë gati do të zbulojnë gjithçka nëpërmjet rrjeteve sociale.