Khloe Kardashian shtatzënë por i dashuri i thyen zemrën

Eshtë një ëndërr e bërë realitet për Khloe Kardashian pasi ajo raportohet të jetë në pritje të një fëmije me Tristan Thompson, të dashurin e saj prej një viti.

Sipas thashethemeve, ylli televiziv është 12 javëshe shtatzënë por fatkeqësisht raportohet se Tristan ka vendosur ta braktisë atë pas këtij lajmi.

Një burim për revistën “Star” ka deklaruar se Khloe është munduar ta mbajë të lidhur Tristan, duke mbetur shtatzënë por ky i fundit tashmë dëshiron të ndahet përfundimsht me të.

Burimi ka vijuar më tej se 33-vjeçarja mendonte se basketbollisti ishte shpirti i saj binjak dhe ky lajm e ka shkatërruar atë. Khloe ka dashur gjithmonë të bëhet nënë, por jo nënë beqare. Kështu që largimi i të dashurit të saj e ka vënë në udhëkryq atë në lidhje me vendimin që do të marrë për fëmijën e saj.
Një nga mikeshat e çiftit ka treguar se Tristan po mendon që mos të largohet përfundimisht nga jeta e Khloe, ai do t’i qëndroj afër por jo si i dashur i saj.