Komentuesit e quajnë “kockë dhe lëkurë”, ja cili është reagimi i Bella Hadid

Modelet më të suksesshme pritet që shumë shpejt të bëhen pjesë e sfilatës së “Victoria’s Secret”. Pjesë e saj do të jetë edhe supermodelja Bella Hadid. Ka qenë vetë bukuroshja e cila ka publikuar në rrjetet sociale foto nga provat e sfilatës, ku shfaqej vetëm me bikini të zeza. Bashkëngjitur postimit të saj ajo shkruan:“Mezi pres që ju të shihni veshjet e bukura. Jam shumë me fat që jam pjesë e sfilatës sërish, janë shumë e lumtur dhe më e shëndetshme se kurrë”.

Por duket se ky postim nuk iu ka pëlqyer aspak fansave sidomos kur Bella përmend faktin se është e shëndetshme pasi menjëherë kanë reaguar me komente duke u shprehur se ajo nuk është fare e shëndetshme pasi është kockë dhe lëkurë. Disa të tjerë thonë se është turp për Victoria’s Secret që shpërndan të tilla imazhe.

Për shkak të këtyre komenteve, Bella vendos të reagojë ndryshuar përshkrimin e fotos.“Të gjitha trupat janë të ndryshëm dhe reagojnë ndryshe nga rutina e përditshme në palestër dhe dieta ushqimore” , shton Bella. Madje ajo vendos edhe të të heqë komentet nga fotot duke mos i lënë fansat të shprehin mendimin e tyre.