Krijuesi legjendar i superheronjve të famshëm ndahet nga jeta në moshën 95 vjeçare

Emri i plotë i tij është Stanley Martin Lieber. Lindi në 1922-shin në një familje hebrenjsh, të cilët emigruan nga Rumania në New York. Lieber nisi të punonte fillimisht në seksionin e punimeve komike tek “Timely Publications” – një kompani që do të shndërrohej më pas në “Marvel Comics”, në të cilën u bë redaktor që në moshën 18-vjeçare.

Shkrimtari komik amerikan, krijuesi legjendar i “Marvel Comics” – kompanisë amerikane që ka krijuar disa nga superheronjtë më të njohur të ditëve të sotme – është ndarë nga jeta në moshën 95-vjeçare.

Stan Lee ndërroi jetë në qendrën mjekësore “Cedars Sinai” në Los Angeles. Në vitet e fundit të jetës, ai vuajti nga sëmundje të shumta, përfshirë këtu edhe një periudhë pneumonie të rëndë.

Disa nga superheronjtë më të famshëm të krijuar prej tij janë The Fantastic Four, Iron Man, Black Panther, Hulk, Spiderman etj.