Labeli Babastars do vijojë me projekte të reja muzikore

Labeli Babastars, pas lansimit të disa projekteve, kanë paralajmëruar edhe një sërë produksionesh të reja muzikore. Duket se labeli nuk e ka ndërmend që të ndalet në rrugëtimin që ka marrë për këtë sezon dimëror.

Pas publikimit të këngëve “Ni Nat” nga Cozman, “Tarantino” nga Majk dhe “Birthday” nga Geasy, tani priten edhe publikime të tjera.

Është Agon Amiga që së bashku me Cozman do sjellin këngën “Shih ti Kishe” që pritet të publikohet shumë shpejt. Një tjetër këngë që pritet të vijë është nga Getoar Selimi dhe Skivi, “Bisha me dy Koka”. Të dy këto projekte do të vijnë me videoklipe dhe pritet të jenë mjaft të dëgjuara nga publiku.