Ledri bën thirrje në koncerte për parandalimin e aksidenteve dhe sensibilizimin e shoferëve

Ledri Vula ka ndërmarrë një iniciativë interesante së fundmi.Pasi shtyu lansimin e klipit të tij të ri “Mbi Re” me Butën për shkak të një aksidenti të rëndë që ndodhi në hyrje të Prishtinës ku vdiqën katër persona, Ledri duket se për raste të tilla ka vendosur të sensibilizojë ndjekësit e tij.
Është reperi ai i cili në koncertet e tij së fundmi u bën thirrje vazhdimisht adhuruesve të tij që të pinë me kujdes dhe që makinat t’i drejtojnë me shpejtësi më të ulët.Ai thotë se nuk është nevoja që askush të nxitohet dhe që të gjithë duhet të kënaqen në vendin e tyre në mënyrë modeste dhe pa dëmtuar të tjerët.