Ledri Vula në përgatitje të hiteve…

Ledri Vula, është duke u përgatitur për një dimër të jashtëzakonshëm në skenën muzikore shqiptare. Pasi lansoi një varg hitesh gjatë verës, duke u shndërruar në një prej artistëve më të kërkuar, Ledri pas periudhës së pushimit është “ngujuar” në studio.

Reperi ka gati pesë bashkëpunime të mëdha, në mesin e të cilëve bashkëpunime me reperë të tjerë, këngëtarë të zhanreve të ndryshme dhe me një nga femrat më të bukura të estradës. Këto projekte po punohen nga bashkëpuntorët e afërt të Ledrit, si Big Bang dhe StashBeats në studion e RedBox.

Bashkëpunimet do të realizohen me klipe të veçanta të cilat do të publikohen kohë pas kohe nga reperi më i shtrenjtë aktualisht i skenës muzikore shqiptare. Ledri Vula pritet të jetë mjaft i angazhuar gjatë dimrit me koncerte në diasporë, por kjo nuk e ka ndaluar atë që të mendojë për lansimin e disa projekteve.