Lindsay Lohan kafshohet nga gjarpri në Tajlandë

Aktorja Lindsay Lohan përmes një postimi në Instastory tregoi se është kafshuar nga një gjarpër në Phuket të Tajlandës. Aktorja e “Mean Girls” e kishte publikuar një video nga vendi i bukur, para se ta afronte kamerën te shenjat e kafshimit në këmbën e saj.

“Përshëndetje! Jam akoma në Phuket të Tajlandës, është shumë bukur këtu dhe po një ditë më parë më kafshoi një gjarpër. Gjëja pozitive e kësaj është se jam mirë. Urime Viti i Ri dhe Zoti ju bekoftë. Tung”, ka shkruar aktorja.

31-vjeçarja ka thënë se udhëzuesi shpirtëror i saj në këtë rrugëtim, i kishte thënë se kafshimi i gjarprit ishte fat i mirë.

Padyshim se ajo ka nevojë për fat, duke qenë se këtë javë është akuzuar për mospagim tatimi për vitet 2010, 2014 dhe 2015. Borxhi i aktores thuhet se ka të bëjë me përfitimet nga filmi “Machete” dhe seriali “2 Broke Girls”.