Maria De Filippi revoltohet në emision live, i drejtohet konkurentes: “Nëse mundesh mi bëj mua ato xheste”

Në mbrëmjen e djeshme në spektaklin “Tu si que vales” në Itali, Ninfa dhe Frank u paraqitën në studio për të sjellë në skenë performancën e tyre e cila nuk e entuziazmoi as publikun e as jurinë.

Pas performancës së tyre juria votoi negativisht duke i hequr mundësinë për t’i kaluar në fazën tjetër. Ndryshe nga konkurentët e tjerë të cilët largohen pas vendimit të jurisë dhe publikut, Ninfa zgjodhi të replikonte duke u munduar te bindte jurinë. Në këto momente publiku ka bërtitur që ta nxirrnin jashtë, si kundërpërgjigje, vajza i nxori publikut gishtin e mesit dhe bëri me duar shenjën e brirëve, duke i ofenduar ata.

Të gjithë mbetën të habitur dhe u revoltuan nga kjo sjellje. I menjëhershëm ishte reagimi i moderatores së emisionit Maria De Filippi e cila iu drejtua konkurrentes me këto fjalë: “Mund të të them diçka? Duhej të na i bëje ne. Pse nuk na i bën ne të katërve në vend që tua bësh atyre? Ishim ne ata që të thamë “jo”. Na i bëj ne ato xheste. Nëse mundesh, ma bëj mua”.