Martohen Afërdita Dreshaj dhe Jakub Kindl, ja pamjet nga dasma e tyre

Këngëtarja dhe modelja e njohur, Afërdita Dreshaj, dhe hokeisti çek, Jakub Kindl, i kanë dhënë fund beqarisë.

Ata kanë kurorëzuar dashurinë e tyre me martesë në një ceremoni private në Miami të Floridas.
Menjëherë në rrjetet sociale kanë qarkulluar fotografi të çiftit pas martesës, ku Dreshaj dukej mjaft vezulluese në fustanin e bardhë të nusërisë.

Modelet e njohura shqiptare, Xhesika Berberi dhe Tika Camaj, ishin ndër të pranishmet në këtë dasmë, madje ato ishin bashkë me motrën e Afërditës, shoqërueset e nuses.

Në rrjetin social Instagram, Berberi ka ndarë me ndjekësit e saj momentet fantastike nga dasma e mikeshës së saj.
Fillimisht, duket se dasmorët kanë kërcyer nën ritmet latine dhe të disa këngëve më të pëlqyera të shekullit.

Më pas, ka ardhur momenti i prerjes së tortës, moment ky të cilin çifti e kanë kaluar mes buzëqeshjes dhe shakave me njëri-tjetrin.
Dukej e shkëlqyer në vellon e bardhë, por Afërdita Dreshaj nuk nguroi të veshë edhe një fustan të zi më vonë, e krejt kjo u bë për të ekzekutuar një nga vallëzimet e mbrëmjes, për të cilin ajo veshje ishte e përshtatshme.
Dhe momenti më i bukur i mbrëmjes duket të ketë qenë ai kur është vendosur “Vallja e Rugovës”, dhe të gjithë dasmorët kanë filluar të kërcejnë nën ritmet e këngës shqipe.

Edhe bashkëshorti i Dreshajt, i cili nuk është shqiptar, duket të jetë munduar që sa më mirë t’i hedhi hapat dhe ta shijojë këtë vallëzim.