Mbas rikthimit në Kosovë, nisin komentet negative për Dafinën ku e krahasojnë me Bleonën

Këngëtarja Dafina Zeqiri muajin e kaluar u rikthye në Kosovë, e me këtë rast shënoi edhe rikthimin e saj në tregun muzikor shqiptar.

“Ti e din” titullohet kënga e saj më e re, e cila është pritur mirë nga fansat e këngëtares.
Mirëpo përveç komenteve pozitive, pati edhe kritika, të cilat mesa duket këngëtarja i ka marrë me mjaft sportivitet.

Dafina ka publikuar së fundmi në Instastory, një nga komentet që e ka marrë nga një fans i saj, i cili e ka krahasuar atë me Bleona Qeretin, e cila njëlloj si Dafina, me shumë ambicie për tregun amerikan, ishte kthyer më pas prapë në Shqipëri.
“U ktheve prapë në Gjilan a, more Bleona”, i kishte shkruar ndër të tjerash fansi.

Por, Dafina duket se nuk e ka vrarë shumë mendjen për komentet e tilla. Ajo ka shkruar thjeshtë në mbishkrimin e fotografisë se komentet e tilla negative për vitin 2018 vetëm sapo filluan, e në foto shfaqet indiferente.