Mc Kresha për Aurela Gaçen: E madhe si Nexhmije Pagarusha e Vaçe Zela

Ajo është një prej zërave më të fuqishëm të muzikës shqiptare ndërsa ai është një ndër reperët më të mirë shqiptarë.

Bëhet fjalë për Aurela Gaçen dhe McKreshën, të cilët kanë vite që janë miq.
Artisti ka zgjedhur fjalët më të mira për këngëtaren teksa e ka krahasuar me divat e muzikës, Vaçe Zelën dhe Nexhmije Pagarushën.

“Ti je në atë dhomën me Vaçe Zelën, Nexhmije Pagarushën e Muharrem Qenën”, ka qenë komenti i Kreshës për Gaçen.

I menjëhershëm ka qenë reagimi i Aurelës, duke e falënderuar dhe vlerësuar lartë fjalët që i ka kushtuar këngëtares.

“Kur ai, MC. Kresha të cilëson kështu… është e rrallë kjo lloj dashurie dhe respekti. Kur e lexova e pranoj se u ndjeva shumë e nderuar. Fatmirësisht, dashurinë e respektin ndaj talentit të tij e kam shprehur vite më parë. Duke e kërkuar vetë në bashkëpunim…Sepse është i rrallë, unik”, ka shkruar Aurela.

Kujtojmë që bashkë ata kanë sjell projektin “Cash” në vitin 2012, një këngë ritmike që u kthye në hit.