Menduat se “Off Guard” do ishte i vetmi bashkëpunim i saj, gaboheni sepse Elvana sapo na tregoi se do sjelli këngën e re
Elvana Gjata sapo ka publikuar bashkëpunimin “Off Guard” me të famshmin Ty Dolla Sign, që shënon fillimin e karrierës së saj ndërkombëtare. Por Elvana nuk mjaftohet me kaq sepse ajo na ka bërë me dije se cila do të jetë kënga e radhës, që sërish mban vulën e Poo Bear.
Bëhet fjalë për albumin e ri me pesëmbëdhjetë këngë të Poo Bear që titullohet “Bearthday Music”. Ndërmjet bashkëpunimeve me këngëtarë të njohur si J Balvin dhe Justin Bieber, në vendin e gjashtë renditet bashkëpunimi me Elvanën, kënga “Shade”.
Në postimin që ka bërë në Instagram Elvana ka shkruar “Kam qenë duke pritur kaq shumë për këtë, saqë më dukej sikur do shpërtheja. Nuk mund të isha më shumë e lumtur dhe e bekuar se sa të isha pjesë e albumit tënd unik! Faleminderit për muzikën që më dhurove dhe për çdo gjë që ke bërë për mua!”.
Share Post
