Mentor Haziri surprizon fansat, vjen me një koncert recital

Karriera e tij muzikore është mjaft e gjatë, ku ai numëron shumë hite në repertorin e tij dhe mjaft çmime dhe vlerësime por deri tani asnjë koncert recital. Dhe duket se ka ardhur momenti. Bëhet fjalë për Mentor Hazirin, i cili ka njoftuar fansat për projektin e fundit përmes një postimi në Instagram, ku shkruan: “Më 28 tetor ju ftoj në koncertin tim recital në Tiranë, me një program të paparë të këngëve të mia ndër vite, bashkë me super muzikantët”.

Nuk bëhet e ditur cilët janë muzikantët por bëhet e ditur se ata do të ngjiten në skenën e Qendrës Kulturore, që ndodhet në Katedralen Ortodokse në kryeqytet. Koncerti do të quhet “Shtigje Tingujsh” dhe fansat mezi po presin.