Michael Buble do të rikthehet sërish në skenë

Michael Buble ka konfirmuar rikthimin e tij në skenë pas një periudhe shumë të gjatë largimi. Ai do të performojë në Britaninë e Madhe për herë të parë pas periudhës kur djali i tij u diagnostifikua me sëmundjen e rëndë të kancerit.

Buble dhe bashkëshortja e tij, aktorja e njohur, Luisana Lopilato, nëntorin e kaluar anuluan të gjitha angazhimet e tyre profesionale, pasi djali i tyre i madh, Noa, në moshën tre vjeçare, filloi trajtimin për sëmundjen e tij. Por së fundmi çifti ka deklauar se djali i tyre po përmirësohet.