Modelja e njohur, Kate Upton sjell në jetë vajzën e saj

Modelja e njohur Kate Upton dhe Justin Verlander janë bërë prindër për herë të parë. Kate solli në jetë një vajzë, të cilën e ka pagëzuar me emrin Genevieve.

Lajmin e bukur e ka bërë të ditur vetë Kate përmes një postimi në rrjetin social Instagram:“Genevieve Upton Verlander 11.7.18”, shkruan modelja.

Ndërsa Justin postoi një fotografi të ëmbël ku çifti shfaqej teksa mbante dorën e vajzës së vogël: “Mirë se vjen në botë Genevieve Upton Verlander. Ti vodhe zemrën time që në sekondat e para që të takova, 2018/11/07”, shkruan ai.