Murgeshat e famshme “ROCK AND ROLL” do të performojnë për Papën në Panama

Ato janë murgeshat rokere më të famshme të momentit,me mijëra shikime në ”Youtube” dhe hite në  “Spotify”.

Java e ardhme do të jetë ajo më me fat në jetën e tyre pasi do të kenë nderin të bëjnë performancën më të madhe dhe më të rëndësishme që kanë bërë ndonjëherë.

Me mijëra katolikë, përfshirë edhe vet Papën, do ta shijojnë disa nga këngët e tyre. Mund të jetë “Rock and Roll”, por murgeshat thonë se këngët e tyre nuk flasin për seksin dhe drogën.

“Ne jemi të kënaqura për muzikën tonë dhe mesazhin që përcjellim, që është dashuri, vërtetësi, gëzim, shpresë. Duam që të prekim sa më shumë njerëz që të mundemi, e nëse Papa është mes tyre, atëherë kjo na kënaq edhe më shumë”, tha Motra Ivone.

“Jemi të bekuara që jemi në gjendje të nxjerrim videon tonë të parë muzikore, që quhet ‘Beso te Zoti’, që aktualisht ka dy milionë shikime në Youtube”, tha motër Dayana, 22 vjeç nga Ekuadori.

Të njohura si “Siervas”, apo shërbyeset, grupi luan këngë të krishtera që nuk ndryshojnë edhe aq shumë nga ato të grupeve të rrymës kryesore të rokut.