Ndahet nga jeta ikona e muzikës pop, Prince

SHBA- Ka ndërruar jetë në moshën 57- vjeçare një nga ikonat e muzikës pop të viteve 80’. Prince Rogers Nelson sic njihej nga të gjithë Prince, ishte këngëtar, tekstshkrues dhe multi-instrumentalist. Trupi i tij i pajetë u gjet këtë të enjte në studion e tij muzikore në Minesota të Shteteve të Bashkuara të Amerikës. Prince u shtrua në spital gjashtë ditë më parë me simptomat e gripit ndërkaq miqtë e yllit të popit deklaruan për mediat se kjo gjendje gripale e ka detyruar atë të anulonte koncertet e tij. Gjatë karrierës së tij muzikore ai ka shitur mbi 100 milionë incizime si dhe 30 albume. Albumet e tij më të famshme janë “Purple Rain” “Siign O the Times” ndërsa hitet e tij më të mira përfshijnë: Let’s Go Crazy dhe When Doves Cry. Prince njihet edhe si fitues i shtatë çmimeve Grammy.