Ndahet nga jeta në mënyrë të papritur, basisti i grupit Jericho

Ndahet nga jeta parakohe basisti i grupit të njohur rock nga Kosova Jericho, Suad Jamini. Lajmin për vdekjen e tij e kanë konfirmuar familjarë dhe miq. Gruaja e tij, Aida Jamini, ka postuar fotografinë e zisë në profilin e saj në Facebook, ku ka marrë ngushëllime nga miqtë dhe familjarët.

Mediat e Kosovës raportojnë se Jamini ka ndërruar jetë në Qendrën Klinike Universitare të Kosovës. Shkaqet e vdekjes së muzikantit nuk bëhen të ditura.

Jericho është një grup rock i formuar nga një grup të rinjsh shqiptarë nga Kosova në maj të vitit 1997 në Prishtinë.

Ky grup njihet per muzikën dhe tekstet e tyre mjaft të veçanta. Pjesë e grupit, përveç të ndjerit Jamini, janë edhe vokalisti Petrit Çarkaxhiu, kitaristi Leonard Canhasi dhe bateristi Visar Rexha.