“New Rules” nga Dua Lipa vjen në një tjetër version, grupi i njohur pretendon vendosjen e rregullave në vendin e punës

Kënga “New Rules” e Dua Lipës është kthyer në një hit ndërkombëtar . Kjo këngë ka motivuar një grup të talentuar të aktorëve me emrin “Wellington Law Revue” për të ripërpunuar këngën dhe për ta sjellë pak më ndryshe. Përmes kësaj kënge ata kërkojnë vendosjen e rregullave të reja në vendin e punës duke pretenduar se institucionet ligjore janë vonuar së tepërmi.

Ndërkohë, projekti muzikor ka marrë komente pozitive dhe përgëzime nga lëvizja “Me Too”. Kjo e fundit është lëvizje e themeluar me qëllim të inkurajim të femrave të tregojnë rrëfimet e tyre të ngacmimeve seksuale.