Një film kushtuar karrierës së Ed Sheeran shumë shpejt pjesë e ekranit

Murray Cummings, kushëriri i këngëtarit të njohur në skenën e muzikës ndërkombëtare, Ed Sheeran, ka realizuar së fundmi një film i cili pasqyron karrierën e tij.

“Ed Sheeran është shumë mikpritës ndaj meje dhe më lejon të filmoj shumë, jam shumë i lumtur që ai është i hapur për një film të tillë”, është shprehur në një intervistë Cummings.

Ky është filmi i parë në karrierën e tij kinematografike dhe premiera e filmit është shfaqur në Festivalin e Filmit Berlinale, ndërkohë që është pritur shumë mirë nga audienca.

Filmi ka nisur të realizohet dy vite më parë dhe përfshin karrierën e këngëtarit nga viti 2015 duke u mbyllur me lansimin e albumit “Divide” vitin e kaluar.