Një i panjohur hyn me forcë në shtëpinë e Kendall Jenner! Modelja reagon ashpër ndaj mediave

Ditën e sotme në shtëpinë e Kendall Jenner ka hyrë një person i panjohur dhe lajmin e ka bërë të ditur ‘TMZ’. Personi në fjalë ka kaluar rojet e sigurisë dhe ka hyrë në ambientet e pishinës. Mendohet se 37-vjeçari, John Ford ka probleme mendore, madje është zbuluar se nuk është hera e parë që ai futet në shtëpitë e personazheve publikë.

Pas lajmit modelja e njohur ka reaguar me disa postime në ‘Twitter’. “E kuptoj që është puna juaj të merreni me mua, por kur ju publikoni vendodhjen e saktë të shtëpisë sime kjo do të thotë që më vini jetën në rrezik. Shtëpia duhet të jetë parajsa e sigurtë e gjithësecilit, por për fajin tuaj e imja nuk është. Duhet t’iu vijë turp”,-ka shkruar Kendall.