Një tjetër çift drejt martesës! Ellie Goulding zyrtarizon lidhjen e saj

Pas një romance 18 mujore këngëtarja Ellie Goulding dhe i dashuri i saj Casper Jopling kanë zyrtarizuar lidhjen e tyre me fejesë. Ishte pikërisht “The Time” e cila bëri të ditur lajmin.

“Çifti donte që t’iu tregonte fillimisht miqve dhe familjarëve të tyre dhe njerëzit e tjerë nuk do ta merrnin vesh sepse emri i saj i vërtetë është Elena. Ajo është mbi hënë dhe nuk është ndjerë kurrë kaq e lumtur”, ka thënë burimi.

31-vjeçarja Ellie dhe Casper prej disa kohësh jetojnë së bashku dhe e ndajnë kohën e tyre midis New York-ut dhe Londrës. Këngëtarja e njohur vite më parë ka qenë e lidhur edhe me Princ Harry-n, një romancë që nuk zgjati shumë.