Noizy përfundon në rajonin e Policisë

Këngëtari Rigels Jaku, i njohur me emrin e artit Noizy është shoqëruar ditën e djeshme gjatë mbrëmjes nga Policia e Durrësit, pas videos së publikuar në rrjetet sociale ku ai shfaqet duke qëlluar me armë.
Videoja u publikua nga motra e këngëtarit Stresi, e cila akuzon policinë për standarde të dyfishta.

Kjo e fundit ka shpallur në kërkim Stresin pasi është shfaqur në një video duke qëlluar me armë zjarri, ndërsa motra e tij ka publikuar videon e rivalit të Stresit.

Policia është vënë menjëherë në lëvizje, raporton “Panorama” duke shoqëruar Noizy-n i cili ka dhënë shpjegime në Polici.