Nuk e dinim por Eliza Dushku është martuar në fshehtësi me biznesmenin amerikan

E ka mbajtur të fshehtë por aktorja e njohur shqiptare, Eliza Dushku, është martuar në fshehtësi një muaj më parë. Ajo ka kurorëzuar në martesë dashurinë e saj me biznesmenin, Peter Palandjian.

Peter është president i “Intercontinental Real Estate Corporation” në Boston, kompani e cila është themeluar nga babai i tij. Ai është diplomuar në Universitetin e Harvardit dhe ka 4 fëmijë nga lidhjet e mëparshme. Eliza e ka mbajtur romancën jashtë vëmendjes së publikut dhe ka ndarë vetëm disa foto me raste në mediat sociale.

Por së fundmi, ka qenë vetë aktorja e cila përmes disa postimeve në rrjetet sociale ka konfirmuar martesën e saj, e cila është zhvilluar në 18 gusht. Ajo postoi disa momente nga dita e saj më e rëndësishme, krah së cilësoi shkroi vetëm ditën e martesës “8.18.18”, bashkangjitur me emoji-t e dy zemrave.

Veç ditës së celebrimit, çifti duket se kishte organizuar edhe një paradë me biçikleta në Boston, që është edhe vendlindja e bashkëshortit të aktores. Çdo gjë ka qenë vërtet speciale dhe e menduar deri në detaje pasi edhe biçikletat kishin të shënuar ditët e tyre të martesës dhe bashkimet e emrave: “Peliza”.