Pamela Anderson reagon ashpër për publikim e fotos së vjetër të saj

Ajo është e njohur për asetet e saj të bollshme dhe cilësitë fotozhenike por Pamela Anderson përflitet se ka shpërthyer ndaj programit, “Celebrity Juice” pasi ata kanë publikuar një foto të vjetër të saj, kur ajo ishte e re.

Drejtuesi i programit, Keith Lemon është shprehur se bukuroshja bjonde është nevrikosur keq për foton e publikuar pa autorizimin e saj.

Në një intervistë të dhënë për “The Sun Online”, Keith ka thënë: “Ajo ishte mërzitur shumë për shkak të publikimit të kësaj fotoje të vjetër. Ajo kishte kontaktuar njërin prej producenteve, ku i ishte shprehur se nuk ishte ndjerë mirë që ne e kishim publikuar”.

“Ne u habitëm shumë nga ky reagim por gjithsesi e kaluam me të qeshura”, ka shtuar Keith.