Pas “Kiki Challenge”, kërcimi i Gjikos është sfida më e re në rrjetet sociale
“Kiki do you love me” është sfida e famshme e cila i ka pushtuar të gjithë kohët e fundit.
Në fakt, bëhet fjalë për këngën “In my feelings” të reperit të njohur Drake, i cili e solli me video të veçantë.
Sfida ka të bëjë me vallëzim ndërkohë që vetura pranë autorit të lëviz e vetme. Një sfidë e rrezikshme, por që tashmë është kthyer në trend.
Mirëpo, kohët e fundit ka lindur edhe një sfidë e re teksa në sfond dëgjohet kënga më e fundit e Gjikos, “Si bugati”.
Kjo këngë, e cila po shndërrohet në një hit, është publikuar vetëm pak ditë më parë dhe vjen si një bashkëpunim mes Gjiko-s dhe Skerdit.
Kërcimi që bën reperi pejan ka tërhequr vëmendjen e fansave që po i dërgojnë video nga ambiente të ndryshme duke u munduar ta kopjojnë Gjikon.
Me sa duket tashmë duhet ta harrojmë “Kiki”-n dhe duhet të fillojmë të mësojmë lëvizjet e kërcimit të Gjikos.
Share Post
