Pas largimit nga televizioni Arbana largohet edhe nga shqipëria

Pas përfundimit të “Dua të të bëj të lumtur” ku Arbana la me pikëpyetje rikthimin e saj në Top Channel, moderatorja e njohur ka nisur pushimet jashtë vendit.

Duke parë edhe fotot që Arbana ka publikuar në profilin e saj është kuptuar se moderatorja ka zgjedhur që pushimet t’i kalojë në një nga ishujt e Greqisë. Mirëpo, siç duket ajo nuk ka ndërmend që të ndalet me aq pasi nëpërmjet një komenti të Oni Pustinës, i cili ka bërë rolin e postierit në emision, është kuptuar se së shpejti do niset për në Barcelonë.

‘Plazhi i parajsës?!”, i ka shkruar Oni, ndërkohë që Arbana e ka pyetur: ‘’I bëre gati rrobat për në Barcelonë ti”, duke nënkuptuar se ndoshta pas Greqisë Arbana mund të niset për në Barcelonë me stafin.