Pasi theu rekordin e Kylie Jenner ,veza e famshme ka një mesazh për të gjithë përdoruesit e rrjeteve sociale
Të gjithë kemi dëgjuar për vezën më të famshme në Instagram e cila theu rekordin e fotos më të klikuar, duke lënë pas në këtë mënyrë foton e postuar nga Kylie Jenner!
Besoj se të gjithë e kemi hasur ose e kemi dëgjuar, presioni i mediave sociale është një fenomen shqetësues për hir të së vërtetës.
Këtë të fundit e ka prezantuar më së miri veza më e pëlqyer në Instagram.
“World record egg”, faqja që publikoi foton e famshme në fjalë, së fundmi ka postuar një video e cila promovon një fushatë e cila ka në qendër personat që përballen me presionin e rrjeteve sociale!
Po ashtu është zbuluar se veza e cila u përfol në mbarë botën, ka filluar të plasë, dhe ashtu, e krisur, është prezantuar me një slogan metaforik fenomenal: “Presioni i mediave ka ndikuar tek unë!”
Thuhet se mesazhi i nxjerrë nga veza është se ashtu, e thyer, ndihet shumë më mirë!
Kjo është perceptuar si një inkurajim që personazhet publikë të rrëfejnë atë çfarë kanë për të thënë në rastet kur ndihen keq nga rrjetet sociale.
Share Post
