Performanca muzikore në perfeksion, ja sekreti që fshihet pas zërit të fuqishëm të Aurela Gaçes
Aurela Gaçe është padyshim një ndër këngëtaret më të mira të skenës shqiptare. Talenti i saj, dashuria për muzikën ndërthurur dhe me performancat e saj e bëjnë atë mjaft të veçantë. Aurela vazhdimisht në rrjetet sociale ndan me fansat sekuenca të ndryshme nga koncertet e saj.
Së fundmi, ajo na tregon disa nga momentet e provave që bën çdo ditë për të mbajtur zërin në formë. Aurela na tregon të gjithëve se të jesh këngëtar nuk është e lehtë dhe nuk mjafton vetëm talenti, por duhet punë e forte , këmbëngulëse dhe e përditshme. Aurela çdo ditë stërvit zërin e saj me ndihmën e një profesori amerikan.
“Ok, kam një pyetje. A stërvitet një balerin, boksier, notar, futbollist, etj përpara se të hyjë në fushë? Përditë e bëjnë. Kanë edhe trajnerë apo jo? Atëherë kjo është stërvitja ime e përditshme. E di duket e çuditshme ë?
Të kesh një talent, është dhuratë nga Zoti. Të dish ta mbash, do punë.
Kam që në 2007 që mësova se zëri është gjëja e parë që duhet të stërvit nëse dua të jem në skenë. Mendoja se vetëm këngëtarët e Opera-s duhet ta bënin këtë, por nëse unë vë kordat në punë, atëherë puna është njësoj. Teknikat që kam mësuar nga profesori për 3 Vjet në New York, ndërsa tani takohemi bashkë në ‘Skype’ sa herë duhet (largësia nuk më ndalon të mësoj). Unë e dua shumë profesionin tim dhe për të qenë e fortë, më duhet punë. Përditë. Kokulur për të mësuar çdo gjë. Sado të di, gjithmonë ka shumë për të mësuar. Leksioni për sot ishte 50 min”, shkruan bashkëngjitur postimit të saj Aurela.
Share Post
