Pete Davidson dhe Ariana Grande drejt martesës? Këngëtarja tregon se kur do i drejtohet altarit…

Pete Davidson dhe Ariana Grande i habitën të gjithë me vendimin e tyre të papritur për tu martuar. Kur ka kaluar vetëm një muaj nga fejesa, tashmë kanë filluar të qarkullojnë lajmet se ata janë duke planifikuar martesën e tyre.

Në një intervistë për “Good Morning America”, këngëtarja e hitit “No Tears Left To Cry” ka rrëfyer mes emocionesh se do t’i drejtohet altarit brenda vitit 2019.

“Dasma do të jetë brenda vitit tjetër. Miqtë e mi, unë dhe mami po mendojmë shumë dhe po seleksionojmë idetë për dasmën. Është një ndjenjë shumë e bukur, hera e parë që punoj mbi diçka timen personale, që më mbush zemrën me dashuri dhe lumturi. Do qaj, jam shumë e emocionuar”, ka thënë këngëtarja.