Publikohet traileri i filmit “Papa Francesku një burrë i fjalës”

Në kinematë italiane nga data 18 maj, do të nisë transmetimi i filmit kushtuar Papa Françeskut. Filmi dokumentar, vjen nën regjinë e Wim Wenders, dhe titullohet “”Papa Francesco, un uomo di parola”.

Ai flet për vizionin e Papës për Kishën dhe shqetësimin e tij të thellë për të varfërit, angazhimin e tij ndaj çështjeve mjedisore dhe drejtësinë sociale. Gjithashtu edhe për thirrjen e tij për paqe në zonat e përfshira nga konflikti dhe për paqe dhe dialog mes feve të ndryshme.

Në këtë film janë trajtuar skena dhe ide të Papës, puna e tij e reformës dhe përgjigjet për sfidat globale në botë si: vdekja, drejtësia sociale, emigrimi, pabarazia, materializmi dhe roli i familjes.
Teknika e drejtpërdrejtë e kamerës së filmit i jep mundësi shikuesit, të krijojë një dialog ballë për ballë mes tij dhe Papës, në kuptimin e mirëfilltë.