Publikohet versioni audio i këngës “The Champion”, e cila do të hapë Super Bowlin më 4 shkurt

Këngëtarja Carrie Underwood, i ka bashkuar forcat me Chris DeStefano, Brett James dhe Ludacris, për realizimin e këngës “The Champion”. Versioni audio i këngës tashmë është publikuar, ndërsa ka marrë kryesisht komente pozitive nga publiku. Videoja muzikore e kësaj kënge do të hapë Super Bowlin më 4 shkurt.

Videoklipi i “The Champion” është xhiruar vitin e kaluar, para se 34-vjeçarja të pësonte aksident komunikacioni.

Carrie ka thënë se shpreson që teksti t’i frymëzojë njerëzit që t’i shtyjnë kufijtë e tyre në gjithçka që duan të arrijnë. Ndërsa Ludacris, nga ana e tij, është shprehur se ka qenë kënaqësi për të që të bashkëpunonte me Underwood në këtë këngë frymëzuese.

Vlen të theksohet se ylli i edicionit të sivjetëm të Super Bowl do të jetë Justin Timberlake, i cili kthehet në këtë eveniment pas 14 vitesh që nga koha e incidentit të Janet Jackson.
Manifestimi më i madh sportiv amerikan do të mbahet më 4 shkurt në Bank Stadium të Minneapolisit.