Publikohet videoja e vrasjes së reperit Nipsey Hussle

Është publikuar videoja nga momenti i tmerrshëm i vrasjes së reperit amerikan jashtë dyqanit të tij të rrobave në Los Angeles.

Videon e ka siguruar një biznes afër vendit të ngjarjes, ku një burrë me këmishë të errët u kap duke iu afruar reperit.

Personi i armatosur ka gjuajtur në distancë dhe duke u afruar drejt reperit ai kishte vazhduar të qëllonte ende.

Pas të shtënave me armë ndaj Hussle, të tjerë persona shihen duke ikur nga frika.

Burime të “TMZ” thanë se personi i armatosur kishte një bisedë ‘të tensionuar’ me Hussle para se të fillonte të shtënat, por hetuesit ende nuk e kanë zbuluar arsyen kryesore të vrasjes.