Redon Makashi fillimisht mendon të bëhet baba pastaj të martohet

Këngëtari i dashur i skenës, në një intervistë të dhënë së fundmi ka folur për faktin se kur ka në plan të martohet. Redoni u shpreh se edhe prindërit ja kërkojnë një gjë të tillë dhe sidomos për faktin se duan të bëhen gjyshër.

”Po na ikën mosha, por ka ende kohë për tu bërë baba. Prindërit e mi ma kërkojnë non stop duke më thënë se fëmija është mjalti i mjaltit. Jam i sigurt se kur të bëhem me fëmijë ata do më nxjerrin nga shtëpia mua dhe do të merren me të”, ka thënë këngëtari.

Nga ana tjetër Redon Makashi ka pohuar se ai do të ndjekë shembullin e prindërve të tij, të cilët në fillim sollën në jetë këngëtarin dhe më pas u martuan.