Reperi i njohur Action Bronson vjen për herë të parë në Kosovë

Në datat 10, 11 dhe 12 gusht në Prishtinë do të organizohet festivali më i madh në vend, “Sunny Hill”.

Në kuadër të këtij festivali do të vijnë emra të shumtë nga arena ndërkombëtare, përfshirë këtu artisten e famshëm Dua Lipa, DJ numër 1 në botë, Martin Garrix, dhe shqiptarin tjetër të famshëm, Action Bronson.
Ky i fundit, përmes një video të publikuar në rrjetin social Instagram, ka paralajmëruar ardhjen e tij në Prishtinë.

“Festivali Sunny Hill në Kosovë, unë jam duke ardhur 10000 për qind. Kosovë dhe Shkup, s’do ta humbisja për asgjë në botë. Kjo është për gjyshërit e mi, Arslan dhe Alije Asllani, 11 gusht 2018”, shkruan ndër të tjerash Bronson.

Me këtë ai ka lënë të kuptohet se po çon në vend ëndrrën e gjyshërve të tij, të cilët ia ka lënë amanet që të mos i harrojë rrënjët e veta. Pritet që ai të arrijë në Prishtinë ditën e martë ku edhe do të mbajë një konferencë për shtyp.