Reperi i njohur zgjedh Greqinë për videoklipin e këngës së fundit

Ngjarjet e rëndësishme të ndodhura së fundmi në jetën e Rick Ross kanë qenë të shumta. Reperi i njohur u bë baba për herë të parë i një vajze me modelen Brianna Camille, e gjithashtu mbylli sezonin e parë të serive televizive “Signed” me drejtorin ekzekutiv të The-Dream dhe Roc Nation.
Menjëherë pas mbylljes së këtyre serive, Rozay vendosi të publikonte premierën e këngës së shkëputur nga albumi i fundit, ‘Rather You Than Me’. Pas publikimit të “Lamborghini Doors” në bashkëpunim me Meek Mill në fillim të këtij muaji, reperi zgjodhi të sillte videoklipin luksoz të “Santorini Greece.”
Një këngë me një titull të tillë nuk mund të kishte sens pa një klip të xhiruar pikërisht në Greqi. Regjisori Ryan Snyder ka nxjerrë në pah bukuritë e mahnitshme të natyrës dhe kulturës së vendit fqinj.