Rihanna nuk do të jetojë më në hollywood,nxjerr në shitje shtëpinë

Rihanna ka nxjerrë në shitje shtëpinë për 7.4 milionë dollarë. 6 muaj pasi fansi i fiksuar pas saj u pa në territorin e shtëpisë me vendodhje në Los Angeles, bukuroshja e ekranit ka vendosur ta shesë nga frika.

Fitimi i saj nga kjo pronë është shumë i vogël, por siç duket kjo nuk ka rëndësi. Në këto momente Rihanna do vetëm që të jetë e qetë dhe të shpëtojë nga problemet që ka patur së fundmi.

Kujtojmë se djali në fjalë quhet Leon dhe ai arriti të kalojë sistemin e komplikuar të sigurisë që kishte vendosur këngëtarja duke u futur në shtëpinë e saj, ku e priti për 12 orë. Tashmë 27-vjeçari është arrestuar dhe akuzohet për përndjekje, shkelje në pronë private pa leje, vandalizëm dhe kundërshtim ndaj forcave të rendit.