Rikthehet Flori Mumajesi në një bashkëpunim me Klajdi Harunin
Ditët e fundit u përfol se kantautori i suksesshëm Flori Mumajesi ka probleme shëndetësore dhe për këtë arsye ka marrë një periudhë pushimi për tu fokusuar tërësisht tek shëndeti i tij. Shkak për këto zëra u bë edhe “heshtja” nga projektet e reja muzikore por edhe mungesa e tij që prej muajit gusht me postime në rrjetin social Instagram. Por një lajm i bukur vjen për gjithë fansat e tij. Ishte pikërisht vëllai i tij ashtu siç e quan Flori, Klajdi Harunin që përmes një postimi në rrjetin social Instagram bëri të ditur se dyshja e suksesshme do vijë në një bashkëpunim.
Ai publikoi një video ku së bashku me Florin tregojnë se këtë të dielë në Kënga Magjike, ata do të prezantohen me këngën ” Nuk të dua dot më pak”. Ata njihen për projektet muzikore që janë kthyer në hite dhe zërin e tyre tejet të veçantë duke rrëmbyer në këtë mënyrë gjithmonë zemrat e fansave. Të gjithë jemi duke pritur të dielën për të dëgjuar hitin e tyre të rradhës.
Share Post
