Rita Ora akoma e tronditur nga ajo që i ka ndodhur vite më parë

Rita përjetoi një grabitje në 2015, kur dikush hyri në shtëpinë e saj ndërkohë që ajo po flinte. Pas gjithë kësaj historie të tmerrshme, Rita Ora ka treguar se tashmë ka ndërtuar një dhomë moderne me një sistem të lartë sigurie në shtëpinë e saj në Londër.

Këngëtarja 26-vjeçare i është shprehur miqve të saj të afërm se ajo është mendërisht e frikësuar si pasojë e atij incidenti.

Sipas “Daily Mail”, Ora ka punësuar një grup specialistësh për të instaluar sistemin e sigurisë në shtëpi.

Një mikeshë pranë Rita Orës, ka deklaruar: “Rita është akoma e tronditur dhe vazhdon të përjetojë mankthe të tmerrshme rreth grabitjes. Edhe pse grabitësi është në burg, ajo nuk është e qetë dhe përjeton një frikë të vazhdueshme, duke menduar se kjo gjë mund të ndodhë sërish”.