Rita Ora dhe Bebe Rexha do sjellin një bashkëpunim?

Prej një kohe shumë të gjatë fansat janë duke kërkuar që shqiptaret tona Rita Ora dhe Bebe Rexha të sjellin një bashkëpunim muzikor dhe me sa duket kjo do ndodhë së shpejti.

Ka qënë pikërisht një gazetar i huaj që ka bërë një postim në Twitter ku tregon se në janar të vitit të ardhshëm Rita Ora, Bebe Rexha dhe Charli XCX do të vijnë me një projekt që do të titullohet “Girls”. Sipas gazetarit ky bashkëpunim është konfirmuar edhe nga ‘Big Top 40’, që është charteri më i famshëm britanik.

Por lidhur me këtë lajm as Rita dhe as Bebe nuk janë prononçuar duke e lënë çdo gjë një mister. Megjithatë, edhe pak kohë na ndan nga janari i vitit të ardhshëm dhe shumë shpejt do të mësojmë të vërtetën nëse ky bashkëpunim do të ndodhë apo jo.