Rita Ora u akuzua se këndoi “playback”, John Legend i del në mbrojtje këngëtares

Në paradën që u mbajt për Ditën e Falenderimeve në New York ka qenë e ftuar edhe këngëtarja me origjinë shqiptare, Rita Ora. Por gjërat nuk kanë shkuar si duhet pasi menjëherë pas përfundimit  ajo mori kritika shumë të ashpra se nuk këndoi live por lëvizte buzët me ‘playback’ madje as këtë gjë nuk ishte e zonja ta bënte mirë.

Por teksa prisnim reagimin e saj si kundërpërgjigje ndaj fansave ka qenë John Legend që ka reaguar duke shkruar: “Gjatë kësaj parade të gjithë duhet të këndojmë me ‘playback’ pasi nuk ka kapacitet të mjaftueshëm për të përballuar mjetet teknike që nevojiten për të kënduar live. Është fakt. Nëse vini në ndonjë nga shfaqjet e mia do të shihni se çdo gjë është 100% live” . Këtë postim Rita e ka shpërndarë edhe në profilin e saj në Instagram.