Robbie Williams tregon arsyen e gjestit të shëmtuar në ceremoninë e hapjes së botërorit

Në ceremoninë e hapjes së kampionatit botëror, Robbie Williams gjeti një mënyrë të çuditshme për të qenë në vëmendjen e gjithë botës. Këngëtari bëri një gjest të shëmtuar duke i treguar kamerës gishtin e mesit dhe kaq mjaftoi që e gjithë bota të fliste për të. Williams qëndroi i heshtur përballë kritikave por së fundmi ai ka vendosur të flasë.

“Isha nën presion të madh, sepse kishin mbetur edhe një minutë performancë dhe nuk e dija si ta zgjasja shfaqjen dhe kështu vendosa të bëja gjestin me gisht”, u shpreh Robbie.

Kur u pyet nëse pendohet për veprim, Williams u përgjigj duke thënë se nuk e kishte në plan, por që nuk i beson vetes.

“Nuk i besoj vetes. Nuk e di se çfarë mund të bëj në çdo moment. Nuk ishte me plan. Plani ishte që të këndoja në sinkron dhe të mos rrëzohesha nga skena”, ka vijuar këngëtari.