“Romeo&Juliet” e Mozzikut dhe Loredanës në Top 10 të SHBA-ve

Mozzik dhe Loredana Zefi ditë më parë sollën edhe një bashkëpunim të ri që po mirëpritet prej fansave të titulluar “Romeo&Juliet”.

Dyshja duket se janë përshtatur aq mirë në muzikë, sa që me bashkëpunimin e dytë po pushtojnë top listat e huaja.

Theksojmë se kënga po qëndron në vendet e para në Gjermani e Zvicër, por duket se ka arritur të dëgjohet edhe përtej oqeanit Atlantik, përkatësisht në SHBA.

Projekti tashmë, sipas Mozzikut, ka arritur të futet edhe në Top 10 të Amerikës dhe këtë e ka bërë të ditur përmes rrjeteve sociale.
“Top 10 edhe në Amerikë”, ka shkruar ndër të tjerash reperi në llogarinë personale në Instagram.
Ndëkohë kënga është shikuar rreth shtatë milionë herë në YouTube.