Rona Nishliu nuk njihet me modelin e ri të flokëve, ja ndryshimi i saj drastik

Kënga e saj “Suus” me të cilën konkuroi në Eurovizionin e vitit 2012 e renditi për herë të parë Shqipërinë në vend të 5. Rona ra në sy jo vetëm për zërin potent që me “Suus” drithëroi sallën e Eurovision, por edhe për pamjen e saj të veçantë me flokët rasta.
Dy vite më parë, Rona i preu flokët që i mbante prej 13 vitesh dhe gjatë një periudhe i mbajti flokët e shkurtra fare. Mirëpo së fundmi këngëtarja ka vendosur t’i rrisë dalëngadalë ç’ka ka rezultuar në një ndryshim drastik të saj.
Artistja ka postuar një foto në Instagram ku shfaqet me modelin e ri të flokëve, e buzëqeshur dhe më e bukur se kurrë më parë. “Nuk mund t’i besoja syve kur e pashë veten në pasqyrë”, shkruan këngëtarja e cila ka marrë qindra komplimente për këtë pamje.