Sam Asghari thotë fjalët më të bukura për Britney Spears: Ajo është bekim për jetën time
Prej më shumë se dy vjetësh, Britney Spears dhe i dashuri i saj Sam Asghari janë duke shijuar historinë e tyre të dashurisë.
Në një intervistë për “Men’s Health”, Asghari foli për herë të parë për dashurinë e jetës së tij.
Ata janë takuar krejt rastësisht për xhirimet e klipit të këngës “Slumber Party”, dhe nëse e shohim sot me vëmendje klipin do shohim edhe kiminë që ekziston mes tyre.
Një mbrëmje përpara xhirimeve, më telefonuan për të qënë pjesë e klipit. Nuk e di nëse ishte bekim apo e shkruar që të njiheshim. Pas xhirimeve, shkëmbyem numrat e telefonit dhe dolëm në takimin e parë së bashku.”, është shprehur Sam.
Gjithashtu ai u ndal edhe tek cilësitë e Britney duke u shprehur se ajo është një bekim për të.
“Të bëjmë ushtrime së bashku në palestër është mrekulli.Unë mendoj për ushtrimet ndërsa ajo për videon. Është diçka komike, me të cilën argëtohemi shumë. Ajo më motivon më shumë se kushdo tjetër. Ajo është një person shumë i dashur dhe i përkujdeshëm për të tjerët. Unë do i qëndroj gjithmonë përkrah. Ajo është një bekim në jetën time”, ka vijuar më tej Asghari.
Share Post
